ഡിജിറ്റല്‍ ഇന്‍ഡ്യാ വാരാചരണം

കേന്ദ്ര ഗവണ്‍മെന്റിന്റെ ഇലക്രോണിക്സ് ആന്റ് ഇന്‍ഫര്‍മേഷന്‍ ടെക്നോളജി ഡിപ്പാര്‍ട്ട്മെന്റ് ജൂലൈ 1 മുതല്‍ 7 വരെ രാജ്യത്തുടനീളം ഡിജിറ്റല്‍ ഇന്‍ഡ്യാ വാരമായി (DIW 2015) ആഘോഷിക്കുന്നു. ഇതിന്റെ ദേശീയ തല ഉദ്ഘാടനം ബഹു.പ്രധാനമന്ത്രി ശ്രീ. നരേന്ദ്രമോഡി 2015 ജൂലൈ 1 ന് വൈകുന്നേരം 4 ന് നിര്‍വഹിക്കുന്നു. വാരാചരണത്തിന്റെ ഭാഗമായി സ്ക്കൂള്‍ തലത്തിലും റവന്യൂ ജില്ലാതലത്തിലുമായി സ്ക്കൂള്‍ വിദ്യാര്‍ത്ഥികള്‍ക്ക് മത്സരങ്ങള്‍ സംഘടിപ്പിക്കുന്നു. 6 മുതല്‍ 8 വരെയുള്ള ക്ലാസ്സുകളില്‍ പഠിക്കുന്ന വിദ്യാര്‍ത്ഥികള്‍ക്ക് ഡിജിറ്റല്‍ പെയിന്റിങ്ങിലും 9 മുതല്‍ 12 വരെയുള്ള ക്ലാസ്സുകളിലെ കുട്ടികള്‍ക്ക് മള്‍ട്ടീമീഡിയ പ്രസന്റേഷനിലുമാണ് മത്സരങ്ങള്‍ നടത്തുന്നത്. സ്ക്കൂള്‍തലത്തിലുള്ള മത്സരത്തില്‍ ഒന്നാം സ്ഥാനം നേടുന്ന വിദ്യാര്‍ത്ഥികളുടെ വിശദവിവരങ്ങളും സമ്മാനാര്‍ഹമായ ഡിജിറ്റല്‍ കണ്ടന്റും ഇ മെയിലായി ജൂലൈ 3 നുള്ളില്‍ അയച്ചുതരേണ്ടതാണ്. ഇവരില്‍ നിന്നും വിദ്യാഭ്യാസ ജില്ലാതലത്തില്‍ തെരഞ്ഞെടുക്കുന്ന വിദ്യാര്‍ത്ഥികളായിരിക്കും റവന്യൂ ജില്ലാതല മത്സരത്തില്‍ പങ്കെടുക്കുന്നതിന് യോഗ്യത നേടുന്നത്. കൂടുതല്‍ വിവരങ്ങള്‍ക്ക് ഐ ടി അറ്റ് സ്ക്കൂളുമായി ബന്ധപ്പെടുക